لاہور( رپورٹنگ آن لائن)اوپن مارکیٹوں میں کئی مقامات پر چینی ایک بار پھر نایاب ہو گئی جبکہ بلیک میں چینی کی قیمت210روپے کلو تک پہنچ گئی ۔
مارکیٹ ذرائع کے مطابق تین روز میں ہول سیل میں موٹی چینی کا 50کلو کا بیگ 1700روپے اضافے سے 10500 روپے تک پہنچ گیا ہے جبکہ باریک چینی کے50کلو کے بیگ کی قیمت بھی 1700روپے اضافے سے 10000روپے تک پہنچ گئی ۔
اوپن مارکیٹوں میں جن دکانوں پر چینی دستیاب ہے وہاں پر اس کی 210روپے کلو فروخت جاری ہے جبکہ باریک چینی 200روپے کلو فروخت ہو رہی ہے ۔
