پیرس(رپورٹنگ آن لائن)قازقستان کے ٹینس سٹار اور دفاعی چیمپئن الیگزینڈر ببلک اوپن سڈ ڈی فرانس ٹینس ٹورنامنٹ میں مردوں کے سنگلز مقابلوں کے کوارٹر فائنل میں پہنچ گئے۔
27سالہ قازقستان کے ٹینس سٹار الیگزینڈر ببلک نے مینز سنگلز مقابلوں کے دوسرے راؤنڈ میچ میں جرمنی کے حریف کھلاڑی ڈومینک کوپفر کو سٹریٹ سیٹس میں شکست دے کر ٹاپ ایٹ رائونڈ کے لئے کوالیفائی کیا۔ فرانس کے مشہور شہر مونٹ پیلیئرمیں واقع سڈ ڈی فرانس ارینا میں جاری اے ٹی پی ایونٹ میں سنسنی خیز مقابلے جاری ہیں۔
مونٹ پیلیئرکے سڈ ڈی فرانس ارینا میں کھیلے گئے مردوں کے سنگلز مقابلوں کے دوسرے رائونڈ میں قازقستان کے ٹینس سٹار اور دفاعی چیمپئن الیگزینڈر ببلک نے عمدہ کھیل پیش کرتے ہوئے جرمنی کے حریف کھلاڑی ڈومینک کوپفر کو سٹریٹ سیٹس میں 4ـ6 اور 2ـ6 سے شکست دے کر نہ صرف ایونٹ سے باہر کر دیا بلکہ کوارٹر فائنل رائونڈ کے لئے بھی کوالیفائی کرلیا۔
