اسلام آباد (نمائندہ خصوصی)چیئرمین پی پی پی بلاول بھٹو زرداری نے پاک افغان صورت حال پر گہری تشویش کا اظہار کرتے ہوئے کہا کہ افغان حکام علاقائی امن کیلئے تحمل ،ذمہ داری کا مظاہرہ کر یں.
افغان فورسز کی جانب سے جارحیت علاقائی امن و استحکام کے لیے سنگین خطرہ ،مشترکہ خوشحالی کیلئے اجتماعی کوششوں کیلئے بھی نقصان دہ ،پاکستان کی مسلح افواج نے عزم، تحمل اور پیشہ ورانہ مہارت کے ساتھ افغان فوج کے حملے کا جواب دیا ہے ، افغانستان کی سرزمین سے سرگرم دہشت گرد گروہوں کے خلاف ٹھوس اور قابلِ تصدیق کارروائی کریں.
بلاول نے کہا کہ دہشت گرد گروہ نہ صرف پاکستان بلکہ پورے خطے کے امن اور مستقبل کے لیے خطرہ ہیں، پاکستان ایک پُرامن، مستحکم اور خوشحال افغانستان کا خواہاں ہے ، ہم طالبان قیادت سے مطالبہ کرتے ہیں کہ وہ دیرپا امن اور استحکام کے لیے عملی، نتیجہ خیز بات چیت اور تعاون میں شامل ہوں،ہمسایہ ممالک کے ساتھ اچھے تعلقات پاکستان کی مستقل پالیسی ہے .
امید ہے کہ پاکستان اور افغانستان باہمی احترام کے جذبے کے تحت خطے کے امن، استحکام اور خوشحالی کے فروغ کیلئے مل کر کام کریں گے ۔
