برلن (رپورٹنگ آن لائن) ورلڈ جونیئر ٹیم اسکواش چیمپئن شپ میں پہلے میچ میں پاکستان نے جرمنی کو دو۔ایک سے ہرادیا۔پاکستان کی جانب سے عبداللّٰہ نواز اور حذیفہ ابراہیم نے اپنے میچز جیت لیے جبکہ حمزہ خان مقابلہ ایک، ایک گیم سے برابر ہونے کے بعد ریٹائرڈ ہوگئے۔
عبداللّٰہ نواز نے آسکر ہیکر کو 7ـ11، 2ـ11 اور 4ـ11 سے شکست دی، اسی طرح حذیفہ ابراہیم نے اپنے میچ میں فیبیان اگلبرک کو 1ـ11، 9ـ11 اور 8ـ11 سے ہرایا۔حمزہ خان نے فن لینارٹ کیخلاف پہلا میچ جیتا جبکہ دوسرے میچ میں انہیں شکست ہوئی جبکہ تیسرے میچ میں وہ ریٹائرڈ ہوگئے۔ورلڈ جونیئر چیمپئن شپ میں پاکستان اسکواش ٹیم اپنا دوسرا گروپ میچ (آج) ہفتہ کو نیوزی لینڈ سے کھیلے گی۔
