کراچی (رپورٹنگ آن لائن)پاکستان اسٹاک ایکسچینج (پی ایس ایکس) نئی بلند ترین سطح پر پہنچ گیا، کاروباری ہفتے کے دوسرے روز زبردست تیزی کے باعث ایک اور ریکارڈ بن گیا، 100 انڈیکس ایک لاکھ 65 ہزار سے تجاوز کرگیا۔
کاروبار کے دوران بازار حصص کے 100 انڈیکس میں 1268پوائنٹس کا اضافہ ریکارڈ کیا گیا، جس کے بعد 100 انڈیکس ایک لاکھ 65 ہزار کی حد عبور کرگیا۔آج اب تک کے کاروبار کے دوران بینچ مارک 100 انڈیکس ایک لاکھ 65 ہزار 314 پوائنٹس کی بلند ترین سطح پر بھی پہنچا۔
واضح رہے کہ گزشتہ روز کاروبار کے اختتام پر 100 انڈیکس ایک لاکھ 63 ہزار 847 پوائنٹس پر بند ہوا تھا۔
