تل ابیب (رپورٹنگ آن لائن)امریکی نائب صدر جے ڈی وینس نے اسرائیلی پارلیمنٹ کی جانب سے مقبوضہ مغربی کنارے کے الحاق سے متعلق ووٹنگ کو احمقانہ سیاسی حربہ قرار دے دیا۔
اسرائیل کے دورے کے اختتام پر تل ابیب ایئرپورٹ پر صحافیوں سے گفتگو کرتے ہوئے امریکی نائب صدر جے ڈی وینس نے کہا کہ یہ ایک بیمعنی علامتی ووٹ تھا جس کا کوئی عملی اثر نہیں۔انہوں نے کہا کہ اگر یہ سیاسی حربہ تھا تو یہ بہت ہی بیوقوفانہ تھا اور وہ ذاتی طور پر اسے توہین سمجھتے ہیں۔جی ڈی وینس کا کہنا تھا کہ ٹرمپ انتظامیہ کی پالیسی یہ ہے کہ مغربی کنارہ اسرائیل میں ضم نہیں کیا جائے گا اور یہ مقف برقرار رہے گا۔
امریکی نائب صدر کا مزید کہنا تھا کہ اگر لوگ علامتی ووٹ دینا چاہتے ہیں تو دے سکتے ہیں لیکن ہم اس سے بالکل خوش نہیں ہیں۔اس سے قبل اسرائیلی پارلیمنٹ نے فلسطینی علاقے مغربی کنارے کو اسرائیل میں ضم کرنے کا بل منظور کیا تھا۔اسرائیلی پارلیمنٹ کی منظوری پر امریکی صدر ڈونلڈ ٹرمپ نے اسرائیلی حکومت پر واضح کرتے ہوئے بیان دیا تھا کہ وہ عرب ممالک کو زبان دے چکے ہیں، اگر اسرائیل نے ایسا کیا تو اس کو ملنے والی تمام تر مدد روک دی جائے گی۔
