کراچی (رپورٹنگ آن لائن)احتساب عدالت نے اسپیکر سندھ اسمبلی آغا سراج درانی کی آمدن سے زائد جائیداد بنانے کے ریفرنس میں بریت کی درخواست پر وکلا صفائی سے دلائل طلب کرلیئے۔
احتساب عدالت کے روبرو اختیارات کا ناجائز استعمال آمدن سے زائد جائیداد بنانے کے ریفرنس میں آغا سراج درانی کی بریت کی درخواست کی سماعت ہوئی۔ سابق اسپیکر سندھ اسمبلی آغا سراج درانی و دیگر ملزم عدالت میں پیش ہوئے۔ عدالت نے بریت کی درخواست پر وکلا صفائی سے دلائل طلب کرلیئے۔
عدالت نے ریفرنس کی سماعت 12 جولائی تک ملتوی کردی۔ آغا سراج درانی پر آمدن سے زائد اثاثے بنانے اوراختیارات کے غلط استعمال کاالزام ہے۔
