اسلام آباد(رپورٹنگ آن لائن)وفاقی وزیر خزانہ اسحاق ڈار نے آرمی چیف جنرل قمر جاوید باجوہ اور ان کے اہل خانہ کی ٹیکس تفصیلات لیک ہونے کے معاملے کا نوٹس لے لیا، نجی ٹی وی کے مطابق وزیر خزانہ اسحاق ڈار نے معاون خصوصی برائے محصولات کو تحقیقات کی خصوصی ہدایات جاری کردیں اور طارق پاشا سے 24گھنٹوں میں رپورٹ بھی طلب کر لی ہے،وزارت خزانہ کے اعلامیہ میں کہا گیا ہے کہ کسی کی بھی ٹیکس تفصیلات خفیہ ہوتی ہیں، ٹیکس معلومات عام کرنا خفیہ ایکٹ کی خلاف ورزی ہے۔
