لاہور(رپورٹنگ آن لائن ) نامور اداکارہ جویریہ عباسی نے کہاہے کہ میں آج بھی سینئر اداکاروں کا بے حد احترام کرتی ہوں ، میںسینئر اداکارہ عظمی گیلانی کی فنی صلاحیتوں کی معترف ہوں اور میں نے ان سے بہت کچھ سیکھا ہے ۔
ایک انٹر ویو میں جویریہ عباسی نے کہا کہ سینئرز کے ساتھ کام کرتے ہوئے نروس ہو جاتی تھی مگر سینئرزنے ہر موقع پر مجھے اعتماد دینے کے ساتھ میری رہنمائی کی جس سے مجھے آگے بڑھنے کا موقع ملا ۔
انہوں نے کہا کہ میں نے کچھ دیر کے لئے شوبز سر گرمیوں سے بریک لیا تھا لیکن اب دوبارہ سے ٹی وی ڈراموں اور کمرشل میں کام کر رہی ہوں ۔ میں اپنی موجودہ زندگی سے مطمئن اور خدا کی ذات کی شکر گزار ہوں ۔
