ممبئی (رپورٹنگ آن لائن)بالی وڈ کے لیجنڈری اداکار دھرمیندر ا کو ہسپتال منتقل کرنے کی خبر سامنے آنے کے بعد ان کے مداح پریشان ہوگئے۔
بھارتی میڈیا کے مطابق 89 سالہ دھرمیندر ا کو جمعہ کو ممبئی کے بریچ کینڈی ہسپتال میں داخل کرایا گیا۔دھرمیندر ا کے ہسپتال میں داخل ہونے کی خبر سامنے آنے کے بعد ان کے لاکھوں مداح پریشان ہوگئے اور اداکار کی خیریت کے لیے دعا کرنے لگے تاہم بھارتی میڈیا کے مطابق تشویش کی کوئی بات نہیں ہے۔
دھرمیندرا ٹھیک ہیں، ان کو روٹین چیک اپ کیلئے ہسپتال لایا گیا۔ بھارتی میڈیا کے مطابق اس سے قبل 89 سالہ اداکار کو اس ہفتے کے آغاز میں بھی ہسپتال لایا گیا تھا جہاں ان کے معمول کے مطابق چند طبی ٹیسٹ کیے گئے تھے۔واضح رہے کہ دھرمیندر ا کے بیٹے سنی دیول یا بوبی دیول کی جانب سے فی الحال والد کی صحت کے حوالے سے کوئی باضابطہ بیان سامنے نہیں آیا۔
