اسلام آباد(رپورٹنگ آن لائن)سابق وفاقی وزیر فواد چودھری نے کہا ہے کہ26ویں ترمیم کے بعد مرضی کے ججزکولایا جارہا ہے۔
نجی ٹی وی کے پروگرام میں گفتگوکرتے ہوئے فواد چودھری نے کہا کہ پندرہویں نمبرز والے جج کو نمبرون کرنے کی کوشش کی جارہی ہے، ایسا عمل زیادتی ہے۔انہوں نے کہا کہ 26ویں ترمیم کے بعد مرضی کے ججز کو لایا جا رہا ہے، ججز کو میرٹ پر لانا چاہیے اور ججزکا میرٹ پرتبادلہ کرنا چاہیے۔
سابق وفاقی وزیر نے کہاکہ امریکا1937میں جس بحران میں تھا ویسے ہی پاکستان کوبحران کا سامنا ہے، ابھی تک وکلا کی طرف سیکوئی متاثرکن حکمت عملی سامنے نہیں آئی۔ایک اور سوال کے جواب میں فواد چودھری نے کہا کہ ہمیشہ سے کہہ رہا ہوں کہ پی ٹی آئی کوالائنس بنانا ہوگا، مذاکرات دوبارہ شروع ہو سکتے ہیں۔عون چودھری سے ملاقات کے سوال پر انہوںنے کہاکہ عون چودھری اور عاطف خان کی ملاقات سے متعلق شیخ وقاص نے چھوٹی بات کی ہے.
خود وہ کس کس سے نہیں ملتے، اْن پر تو اس سے زیادہ سنگین الزامات ہیں، سیاست دانوں کے آپس میں تعلقات ہوتے ہیں، ایسی کوئی بات نہیں۔سابق وفاقی وزیر نے کہا کہ جنید اکبر ایک تگڑے سیاسی ورکر ہیں، بات سیدھی ہے اس حکومت سے کچھ لینا ہے تو سڑکوں پر پریشربڑھانا ہو گا۔
