راولپنڈی (رپورٹنگ آن لائن ) بانی پی ٹی آئی عمران خان اور ان کی اہلیہ بشری بی بی کیخلاف 190 ملین پاونڈز کیس میں 10ویں بار بھی نیب گواہ پر جرح نہ ہونے عدالت نے سخت برہمی کا اظہار کیا ہے۔ اڈیالہ جیل راولپنڈی میں عمران خان اور بشری بی بی کیخلاف 190 ملین پانڈز کیس کی سماعت ہوئی، سماعت کے دوران وکلا صفائی کی جانب سے سماعت ملتوی کرنے کی درخواست دائر کی گئی۔
درخواست میں وکلا صفائی نے مقف اختیار کیا کہ سینئر وکلا مصروفیات کے باعث پیش نہیں ہوسکے اس لیے کیس کی سماعت 3 ستمبر تک ملتوی کی جائے۔ عدالت نے 10ویں مرتبہ بھی نیب گواہ پر جرح نہ کرنے پر برہمی کا اظہار کرتے ہوئے ریمارکس میں کہا کہ عدالت میں ہر تاریخ پر میڈیا ٹاک ہوتی ہے، سیاسی قیادت ملاقات کرتی ہے، پراسیکیوشن سمیت 200سے زائد ملازمین تعینات کئے جاتے ہیں، سماعت کے دوران صرف ریفرنس کی کارروائی آگے نہیں بڑھتی۔ نیب کے وکلا نے بھی وکلا صفائی کی جانب سے دائر درخواست کی مخالفت کی، نیب وکلا نے عدالت سے کہا کہ وکلا صفائی گواہ پر جرح مکمل نہیں کر رہے، 12وکلا کے وکالت نامے موجود ہیں، جو حاضر ہیں ان کی حاضری لگائیں اور پوچھیں یہ اس ریفرنس میں وکیل ہیں یا نہیں۔
اس پر وکلا صفائی نے کہا کہ وکلا ہم اس ریفرنس میں وکیل ہیں، جس پر عدالت نے استفسار کیا کہ پھر آپ جرح کیوں نہیں کر رہے؟ وکلا صفائی نے جواب دیا کہ جرح مرکزی وکلا ہی کریں گے۔ عدالت نے ریمارکس میں کہا کہ اگر وکلا صفائی حاضر نہیں ہوں گے تو ہمارے پاس قانونی پراسسک کے علاوہ کوئی آپشن نہیں، وکلا صفائی نے استدعا کی کہ ہمیں نیب گواہ پر جرح کیلئے مزید ایک موقع دیا جائے۔ دوران سماعت سابق خاتون اول بشری بی بی نے عدالت کو بتایا کہ میری بیرک میں چوہے ہیں، میں نماز پڑھتی ہوں تو چوہے چھت سے گرتے ہیں۔ بعدازاں عدالت نے وکلا صفائی کی 3 ستمبر تک کیس کی سماعت ملتوی کرنے کی استدعا مسترد کردی اور نیب گواہ پر جرح کیلئے وکلا صفائی کو مزید ایک موقع دیتے ہوئے ریفرنس پر سماعت 29 اگست تک ملتوی کردی۔
