اسلام آباد (رپورٹنگ آن لائن)پاکستان تحریکِ انصاف (پی ٹی آئی) کے وکیل خالد یوسف چوہدری نے کہا ہے کہ 190 ملین پائونڈ کیس کے فیصلے کی تاریخ پہلے 23 دسمبر رکھی گئی تھی۔
میڈیا سے گفتگو کرتے ہوئے انہوں نے بتایا کہ 23 دسمبر کو بتایا گیا تھا کہ 6 جنوری فیصلے کے لیے تاریخ مقرر کی گئی ہے۔خالد یوسف چوہدری نے بتایا کہ گزشتہ روز عدالتی عملے سے رابطے کی بھرپور کوشش کی کہ ہمیں فیصلے کا اسٹیٹس معلوم ہو.
صبح سوا 8 بجے مجھے بتایا گیا کہ 190 ملین پاؤنڈ کیس کا فیصلہ نہیں سنایا جائیگا۔واضح رہے کہ اسلام آباد کی احتساب عدالت نے 190 ملین پاؤنڈ اسکینڈل کیس کا فیصلہ 13 جنوری تک موخر کر دیا ہے۔
