یہ بیانیہ بنایا جارہا ہے کہ مجھے بی پی ایل سے ڈراپ کردیا گیا تھا،بھارتی کرکٹ پریزینٹر ریدھیما پٹھک نے خاموشی توڑ دی

نئی دہلی (رپورٹنگ آن لائن)بھارتی کرکٹ پریزینٹر ریدھیما پٹھک نے بنگلادیش پریمیئر لیگ سے نکالے جانے کے معاملے پر خاموشی توڑ تے ہوئے کہا ہے کہ گزشتہ چند گھنٹوں سے یہ بیانیہ بنایا جارہا ہے کہ مجھے بی پی ایل سے ڈراپ کردیا گیا تھابنگلادیشی کرکٹر مستفیض الرحمان کو انڈین پریمیئر لیگ (آئی پی ایل) سے نکالے جانے کے بعد ریدھیما پٹھک کو بی پی ایل سے نکالنے کی خبریں سامنے آئی تھیں۔

اب ریدھیما پٹھک نے بی پی ایل سے نکالے جانے کی خبروں کی تردید کرتے ہوئے کہا ہے کہ گزشتہ چند گھنٹوں سے یہ بیانیہ بنایا جارہا ہے کہ مجھے بی پی ایل سے ڈراپ کردیا گیا تھا۔سوشل میڈیا پر اپنے بیان میں ریدھیما پٹھک نے کہا کہ میں نے بی پی ایل سے دستبردار ہونے کا ذاتی فیصلہ کیا،

میرے لیے میری قوم پہلے آتی ہے اور میں کرکٹ کو ایک اسائنمنٹ کی اہمیت دیتی ہوں۔انہوںنے کہاکہ میں نے کرکٹ کے کھیل کی ایمانداری، عزت اور جذبے سے خدمت کی ہے اور میں اسی جذبے کے تحت کھیل سے وابستہ رہوں گی۔