ممبئی (رپورٹنگ آن لائن)سابق شوہر اور بھارتی کرکٹر یوزویندر چاہل سے متعلق گفتگو کرتے ہوئے ڈانسر دھناشری ورما کی آنکھو ں میں آنسو آگئے۔
بھارتی میڈیا کے مطابق دھنا شری ورما نے بتایا کہ بھارتی کرکٹر یوزویندر چاہل کیساتھ میری شادی محبت کیساتھ ارینج بھی تھی ۔انہوں نے کہا کہ شادی کے بعد یوزویندر چاہل کے رویے میں تبدیلیاں آئیں، میں نے بہت مواقع دیئے مگر آخر میں رشتہ ختم کرنا پڑگیا۔
انہوں نے کہا کہ علیحدگی اور تمام دکھوں کے باوجود آج بھی سابق شوہر کی بھلائی کیلئے دعاء گو ہوں، میں ان کی ہمیشہ فکر کروں گی۔
