پیرس( رپورٹنگ آن لائن)یوروپی کمیشن کی صدر ارسولا وان ڈیر لیین نے خبردار کیاہے کہ یورپ ایک ٹرننگ پوائنٹ پر ہے۔
میڈیارپورٹس کے مطابق انہوں نے یہ بات یوکرین جنگ میں واشنگٹن کے موقف کی اچانک تبدیلی پر تبادلہ خیال کرنے کے لیے یورپی رہنمائوں کے ہنگامی اجلاس کے لئے پیرس پہنچنے کے بعد کہی۔یورپی سیکورٹی ایک اہم موڑ پر ہے، وہ یوکرین کے بارے میں ہے، لیکن ہمیں ذہنی طور پر اس کی تیاری کی ضرورت ہے،جو ہمیں ان دونوں چیزوں کی فوری ضرورت ہے۔
ٹرمپ کی جانب سے روس کے ساتھ جنگ کے خاتمے کے لیے کوششیں شروع کر کے اپنے اتحادیوں کو حیران کرنے کے بعد بڑی یورپی طاقتوں کے رہنماں نے فرانس میں حکمت عملیوں کو آگے بڑھانے کے لیے ملاقات کی۔یورپی کونسل کے صدر انتونیو کوسٹا نے کہا کہ یہ ملاقات ایک ایسے عمل کا آغاز ہے جو یورپ میں امن اور سلامتی کے لیے پرعزم تمام شراکت داروں کی شرکت کے ساتھ جاری رہے گا۔
انہوں نے ایکس پر لکھا کہ یورپی یونین اور اس کے رکن ممالک اس عمل میں مرکزی کردار ادا کریں گے۔یوکرین میں کسی بھی امن معاہدے کے پائیدار ہونے کو یقینی بنانے کے لیے یورپ ایک منصوبہ تیار کرنے کے لیے کام کررہا ہے.
جب کہ برطانیہ نے کہا ہے کہ اگر ضرورت پڑی تو وہ امن فوج کی تعیناتی کے لیے تیار ہے۔پیرس اجلاس میں یورپی کونسل، یورپی کمیشن اور نیٹو کے سربراہان کے علاوہ برطانیہ، ڈنمارک، فرانس، جرمنی، اٹلی، ہالینڈ، پولینڈ اور اسپین کے سربراہان بھی شرکت کریں گے۔
