ہمیں ملک کو مینو فیکچرنگ کی طرف لانا ہو گا،، عبدالرزاق داؤد

لاہور (ر پورٹنگ آن لائن )وزیرِ اعظم عمران خان کے مشیر برائے کامرس و سرمایہ کاری عبدالرزاق دا ؤد نے کہا کہ ہمیں ملک

کو مینو فیکچرنگ کی طرف لانا ہو گا، ملک میں نوکریاں پیدا کرنا ہوں گی، سروسز کی برآمد پر توجہ دینا ہو گی ۔وزیرِ اعظم عمران خان کے

مشیر برائے کامرس و سرمایہ کاری عبدالرزاق داود نے لاہور چیمبر کا دورہ کیا، اس موقع پر خطاب کرتے ہوئے انہوں نے کہا کہ

اب ہمیں گائیڈنگ پرنسپل بنانا ہوں گے اور درآمد پر انحصار کم کرنا ہو گا۔انہوں نے کہا کہ ہمیں ملک کو مینو فیکچرنگ کی طرف لانا

ہو گا، ایکسپورٹ کو بنیاد بنانا ہو گا، ملک میں نوکریاں پیدا کرنا ہوں گی، سروسز کی برآمد پر توجہ دینا ہو گی۔ انہوں نے کہا کہ 41 فیصد خام

مال کی کسٹم ڈیوٹی، سیلز ٹیکس اور درآمدی ڈیوٹی زیرو ہے، گذشتہ برسوں کے دوران برآمدات میں کمی ہوئی جس پر ڈیوٹیاں ختم کر دی

گئیں۔انہوں نے کہا کہ ای سی سی میں ایڈیشنل کسٹم اور ریگولیٹری ڈیوٹی پر بات ہو گی، مختلف شعبوں کے خام مال کی درآمدی

ڈیوٹی مرحلہ وار کم کی جائے گی۔ انہوں نے کہا کہ فی الحال درآمدی مال پر ایڈہاک ریلیف دیا جا رہا ہے، اگلے تین سال کے لیے

ریگولیٹری اور کسٹم ڈیوٹی کم کی جا رہی ہے۔انہوں نے کہا کہ افریقہ میں برآمدات کو بڑھانے پر توجہ ہے، برآمدات بڑھ رہی ہیں،

ازبکستان کے نائب وزیرِ اعظم پاکستان آ رہے ہیں،جن کے دورے کے دوران مختلف ایم او یو پر دستخط ہوں گے۔ انہوں نے کہا

کہ افغانستان سے ہماری ٹریڈ کم ہو رہی ہے، پاکستان کا کوئی بینک ایران کو ہاتھ لگانے کے لیے تیار نہیں۔انہوں نے مزید کہا کہ

ایران میں پاکستانی چاول پسند کیا جاتا ہے، چاول کی برآمد کرنے والوں کے ساتھ بیٹھ کر اس مسئلے کا حل نکالتے ہیں۔انہوں نے کہا

کہ جی ایس پلس کا درجہ دسمبر 2022 تک پاکستان کو ملا ہے، اس سے مزید استفادے کے لیے تاجروں کے

ساتھ پلاننگ کر رہے ہیں۔