لاہور (رپورٹنگ آن لائن ) پاکستان مسلم لیگ (ن)کی نائب صدر مریم نواز نے کہا ہے کہ ہمارے حال کو تباہ کرنے والا شخص گھر جانے کی تیاری کرے۔
جمعرات کو وفاقی دارلحکومت میں اساتذہ کے احتجاج پر سماجی رابطے کی ویب سائٹ ٹوئٹر پر اپنے بیان میں مریم نواز نے لکھا کہ اساتذہ کو بلدیاتی اداروں کی ماتحتی میں دینا نالائقی اور نااہلی کی بدترین مثال ہے۔ مریم نواز نے لکھا کہ ہم اساتذہ کے ساتھ کھڑے ہیں، غیر آئینی آرڈیننس کی متعلقہ شق فی الفور واپس لی جائے۔انہوں نے مزید لکھا کہ ہمارے حال کو تباہ کرنے والا شخص ہمارے مستقبل کو اپنی نااہلی کی نذر کرنے سے باز رہے اور گھر جانے کی تیاری کرے۔
