لاہور(رپورٹنگ آن لائن) پاکستان مسلم لیگ( ن )کی نائب صدر مریم نواز نے کہا ہے کہ ہمارا مقابلہ عمران خان سے نہیں ہے ، یہ تحریک فیصلہ کن ہے اتوار کو جاتی امرا سے ائرپورٹ روانگی کے موقع پر میڈیا سے گفتگو کرتے ہوئے انہوں نے کہا کہ ہم پہلے بھی وی آئی پی طریقوں سے جیلوں میں نہیں رہے ہیں ، بڑوں کی لڑائی میں چھوٹوں کا کوئی کام نہیں، حکومت کو چند دن میں سب کچھ دکھائی دینا شروع ہو جائے گا،
مریم نواز نے کہا کہ عمران خان ہمارے مقابلے میں ہیں ہی نہیں اور ہم کسی سے خوفزدہ نہیں ہیں،انہوں نے کہا کہ وزیر اعظم کی کل کی تقریر ایک ہارے ہوئے شخص کی تقریر تھی، نواز شریف کے مخاطب تو عمران خان تھے ہی نہیں جبکہ نواز شریف نے عمران خان کو کھیل سے باہر رہنے کا مشورہ دیا تھا۔
