کراچی( رپورٹنگ آن لائن) گورنر سندھ کامران خان ٹیسوری نے سندھ میں سیلابی صورتحال سے نمٹنے کے لیے ہلال احمر کو تمام وسائل و طبی مہارت استعمال کرنے کی ہدایت کرتے ہوئے کہا ہے کہ اس وقت ہلال احمر کے رضاکار کراچی کے مختلف علاقوں میں ایمبولینس اور میڈیکل سہولیات فراہم کر رہے ہیں۔
اس ضمن میں ہلال احمر کے چیئرمین سے مستقل رابطہ میں ہوں اور صورتحال کے بارے میں آگاہی حاصل کررہا ہوں ۔ انہوںنے کہا کہ کراچی کے اولڈ سٹی ایریا، کورنگی کراسنگ، ناگن چورنگی اور کے ڈی اے میں ہلال احمر کی سرگرمیاں جاری ہیں جبکہ حیدر آباد سمیت سندھ کے مختلف اضلاع میں ہلال احمر کے رضاکار عوام کی مدد میں مصروف عمل ہیں۔
