لاہور( رپورٹنگ آن لائن)وفاقی ادارہ شماریات نے ہفتہ وارمہنگائی کے اعداد و شمار پر مبنی رپورٹ جاری کر دی جس کے مطابق ہفتہ وار مہنگائی کی سالانہ شرح 2.30فیصد ریکارڈ کی گئی ہے.
ایک ہفتے کے دوران 18اشیائے ضروریہ کی قیمتوں میں اضافہ ریکارڈ کیا گیا،ملک میں ہفتہ وار مہنگائی کی شرح میں 0.01فیصد کی معمولی کمی ریکارڈ کی گئی،8اشیا ء کی قیمتوں میں کمی جبکہ 25کی قیمتوں میں استحکام رہا۔
ایک ہفتے میں آٹے کا 20کلوکا تھیلا 1492روپے سے بڑھ کر1632روپے کا ہوگیا،ایک ہفتے میں ٹماٹرکی قیمت میں 21روپے سے زائد کا اضافہ،پیاز 7روپے،چکن 16روپے فی کلو مہنگا ہوا۔
