اسلام آباد (رپورٹنگ آن لائن) نائب صدر پیپلز پارٹی سینیٹر شیری رحمان نے کہا ہے کہ ان سے نہ ملک چلتا ہے نہ ہی مہنگائی کنٹرول میں ہوتی ہے،ہر ناکامی کا الزام اپوزیشن پر ڈالنے والا بیانیہ اب پرانا ہو چکا ہے،شوگر کمیشن کی انکوائری رپورٹ کا کیا ہو،کسی کو سزا نہ ملنے کا مطلب ےہ حکومت خود ملوث ہے ۔
منگل کو انہوں نے سماجی رابطے کی ویب سائٹ ٹوئٹر پر اپنے ایک بیان میں کہا کہ تباہی سرکار کے 3 سالوں میں چینی کی قیمتیں 200 فیصد تک بڑھ گئی ہیں، چینی 53 روپے کلو تھی اب 160 روپے فی کلو ہے ،حکومت ہمیشہ کی طرح اپوزیشن پر الزام لگا کر ذمہ داری سے بچنے کی کوشش کررہی ہے، شوگر کمیشن کی انکوائری رپورٹ کا کیا ہوا، کہاں کیس چلا، کس کو سزا ملی، کون جیل گیا؟،
رپورٹ بنا کر کہتے تھے ہم نے ورلڈ کپ جیت لیا ہے، کرپشن ثابت ہونے کے باوجود کسی کو سزا نہ ملنے کا مطلب حکومت خود ملوث ہے ۔سینیٹر شیری رحمان نے کہا کہ ان سے نہ ملک چلتا ہے نہ ہی مہنگائی کنٹرول میں ہوتی ہے، ہر ناکامی کا الزام اپوزیشن پر ڈالنے والا بیانیہ اب پرانا ہو چکا ہے، اب کارکردگی دکھا یا گھر جا۔
