ہائیکورٹس میں ایڈیشنل ججز کی تعیناتی کے لئے جوڈیشل کمیشن کے اجلاس طلب

اسلام آباد/لاہور(رپورٹنگ آن لائن )چیف جسٹس پاکستان جسٹس یحیی آفریدی نے ہائیکورٹس میں ایڈیشنل ججز کی تعیناتی کے معاملے پرجوڈیشل کمیشن اجلاس طلب کر لیے۔

17 جنوری کو اسلام آباد اور بلوچستان ہائیکورٹ میں ایڈیشنل ججز کی تعیناتیوں سے متعلق اجلاس طلب کیے گئے ہیں جبکہ سندھ ہائیکورٹ میں ایڈیشنل ججز کی تعیناتی کیلئے اجلاس 23 جنوری کو ہوگا۔

پشاور ہائیکورٹ میں ایڈیشنل ججز کی تعیناتیوں سے متعلق اجلاس یکم فروری اورلاہور ہائیکورٹ میں ایڈیشنل ججز کی تعیناتیوں کیلئے جوڈیشل کمیشن کا اجلاس 6 فروری کو ہو گا۔

اسلام آباد ہائیکورٹ میں 4 ،سندھ ہائیکورٹ میں 12 ،لاہور ہائیکورٹ میں 10 ،پشاور ہائیکورٹ میں 9 اوربلوچستان ہائیکورٹ میں 3 ایڈیشنل ججز کیلئے نامزدگیوں پر غور ہوگا۔