شیخوپورہ (رپورٹنگ آن لائن)چیئرمین پبلک اکاونٹ کمیٹی رانا تنویر حسین ایم این اے نے کہا ہے کہ گوجرانوالہ جلسہ تاریخی ہوگا مریم نواز بلاول بھٹو اور دیگر قیادت خطاب کرے گی گوجرانوالہ جلسہ پر حکومت نے گرفتاریاں کیں تو شدید رد عمل دیں گے،گوجرانوالہ جلسہ میں شائد میاں نواز شریف خطاب نہ کریں،
میاں نواز شریف ڈیڑھ سال جیل میں رہے ملک کے حالات حہاں پہنچ گئے نواز شریف خاموش نہیں رہ سکتے تھے ہم چاہتے ہیں حکومت پانچ سال پورے کرے مگر عوام کا جینا مشکل نہ بنائے،
ان خیالات کا اظہار انہوں نے اپنے فارم ہاوس میں میڈیا کے نمائندوں سے گفتگو کرتے ہوئے کیا،اس موقع پر ارکان صوبائی اسمبلی پیر اشرف رسول،چوہدری محمود الحق شاہین،سابق ارکان اسمبلی رانا افضال حسین،چوہدری حسان ریاض،سابق چیئرمین ضلع کونسل انجینئر احمد عتیق انور،سابق یوسی چیئرمین ملک نوید محمود چوہان،لیگی رہنما رانا خلیل احمد گادی،رانا کاشف محمود ودیگر بھی موجود تھے،رانا تنویر حسین نے کہا کہ جلیل شرقپوری سمیت پانچ چھ ارکان ڈیڑھ سال سے حکومت سے رابطہ میں تھے اختلاف رائے جمہوریت کا حسن ہے پارٹی میں بیٹھ کر موقف بیان کرتے ان لوگوں کو پارٹی ڈسپلن کی خلاف ورزی پر نّوٹس دیدیا ہے آرمی چیف نے درست کہا ہے بھارت نے ہائبرڈ وار شروع کررکھی ہے
بھارت جانتا ہے پاک فوج دنیا کی سب سے بہترین فوج ہے بھارت پاک فوج کی طاقت اور مہارت کئی محاز پر دیکھ چکا ہے پوری قوم پاک فوج کے ساتھ کھڑی تھی اور کھڑی ہے کشمیر کے مسئلہ پر حکومت کی خارجہ پالیسی ناکام ہے مودی کے منشور میں شامل تھا کشمیر کس طرح ہڑپ کرنا ہے عمران خان مودی کے آنے کی دعا کرتے تھے،میاں نواز شریف کی بیماری پر حکومت کی بات کرنا کھسیانی بلی کھمبا نوچے والی بات ہے
