کراچی (رپورٹنگ آن لائن)وزیر اطلاعات سندھ سعید غنی نے کہا ہے کہ پاکستان سمیت دنیا بھرکے ممالک سے لوگ علاج کےلئے سندھ آتے ہیں ،گرین لائن سمیت دیگر منصوبے (ن)لیگ نے شروع کئے تھے ان منصوبوں کو پی ٹی آئی حکومت نے صرف مکمل کیا ۔
ہفتہ کو میڈیا سے گفتگو کرتے ہوئے وزیر اطلاعات سندھ سعید غنی نے کہا کہ محمود آباد نالے پر اچھا کام ہوا ہے ، نالے کو بحال کرے کا منصوبہ ڈی اے نے شروع کیا تھا ، کل کہا گیا کہ محمود آباد نالہ وفاق بنا رہا ہے ، کہا جا رہا ہے کہ سندھ میں ترقیاتی منصوبے وفاق کے ہیں ،ہم نے آرڈیننس کے ذریعے سندھ جزائر پر قبضے کی اجازت نہیں دی تھی بلکہ کام کرنے کی اجازت دی تھی ، بارشوں کے بعد ڈویلپمنٹ پروگرام سامنے آیا، ایک بار نہیں بلکہ تین بار کراچی کےلئے مختلف اعلانات کئے گئے ، کراچی میں وفاقی حکومت کا ایک منصوبہ بھی نہیں ہے ، گرین لائن سمیت دیگر منصوبے (ن)لیگ نے شروع کئے تھے ان منصوبوں کو پی ٹی آئی حکومت نے صرف مکمل کیا ،پاکستان سمیت دنیا بھرکے ممالک سے لوگ علاج کےلئے سندھ آتے ہیں ، انہوں نے کہا کہ وفاقی حکومت نے کہا کہ کے سی آر ہم بنائیں گے ، مردم شماری فوج کی نگرانی میں ہوئی ۔
سعید غنی نے کہا کہ سندھ حکومت نے مردم شماری کرائی یہ کہنا غلط ہے ، گجر نالہ اور محمود آباد نالے کی اے ڈی پی ریکارڈ پر ہے ، میرے حلقے میں محمود آباد نالے پر کافی ہوا، کراچی کے عوام کےلئے بجلی مہنگی کردی گئی ۔انہوں نے کہا کہ سندھ حکومت نے ہیلتھ کے شعبے میں بہت کام کیا ، اس موقع پر وزیر ٹرانسپورٹ سندھ اویس قادر شاہ نے کہا کہ کل کراچی کے ساتھ تیسری بار مذاق کیا گیا ، اسد عمر نے جھوٹ بولنے میں پی ایچ ڈی کر رکھی ہے ، پی ٹی آئی نے کے سی آر منصوبہ سی پیک سے نکلوا دیا ۔انہوں نے کہا کہ کراچی میں ریڈلائن منصوبے کے سنگ بنیاد رکھنے کی تقریب جلد ہوگی ۔58کروڑ کے چیک دے چکے کہیں تو ثبوت کے پینا فلیکس لگا دیں ۔
