لاہور (رپورٹنگ آن لائن) محکمہ ایکسائز اینڈ ٹیکسیشن پنجاب نے لاہور سمیت پنجاب بھر کے ایکسائز دفاتر میں گاڑیوں کی رجسٹریشن کے سلسلے میں کرونا وائرس کے پھیلاﺅ کے پیش نظر بنائے جانے والے اپوائنٹمنٹ مینجمنٹ سسٹم کو جاری رکھنے کا فیصلہ کیا ہے۔
جس کا مقصد گاڑیوں کی رجسٹریشن کے حوالے سے ایجنٹ مافیا کی حوصلہ شکنی اور کرپشن کا خاتمہ ہے۔ اس حوالے سے ڈی جی ایکسائز اینڈ ٹیکسیشن پنجاب کا کہنا ہے کہ شہری گھر بیٹھے آن لائن پر اپنی گاڑیوں کی رجسٹریشن اور ٹرانسفر کروا سکتے ہیں اور اگر کسی شہری کو ایکسائز کے عملے سے شکایت ہو تو وہ محکمہ ایکسائز کے دفاتر میں آنے سے پہلے اپوائنٹمنٹ لے گا۔
جبکہ اپوائنٹمنٹ کے بغیر کسی شہری کی گاڑی رجسٹرڈ یا ٹرانسفر نہیں کی جاسکے گی۔ ڈی جی ایکسائز کے مطابق نئے سسٹم کے تحت صوبے بھر کے دفاتروں میں کاﺅنٹرز کی تعداد بھی بڑھا دی گئی ہے
