نوشہرہ(رپورٹنگ آن لائن)وزیراعظم کے معاون خصوصی اختیار ولی خان نے کہاہے کہ خیبر پختونخوا کے عوام بنیادی سہولتوں سے محروم ہیں، صوبے کے 3 ہزار سکولوں میں پینے کا پانی تک نہیں ہے۔
نوشہرہ میں تقریب سے خطاب کرتے ہوئے اختیارولی نے کہاکہ سکولوں سے متعلق کئی بل پاس پوتے ہیں لیکن پیسے ان کے اکاؤنٹ میں جاتے ہیں، پی ٹی آئی والے انتقام اور نفرت کی سیاست کے علاوہ کچھ نہیں کرتے۔
انہوں نے کہا کہ کے پی میں یونیورسٹیاں فنڈز نہ ہونے کی وجہ سے بند ہو رہی ہیں لیکن یہاں تبدیلی کا جھوٹا ڈھونگ رچایا گیا۔اختیار ولی نے کہا کہ وزیر اعلیٰ کے پی صوبے کے عوام کی فلاح و بہبود کیلئے کام نہیں کر رہے، ہمیں اپنی سمت کا تعین کرنا ہو گا۔
