اسلام آباد (رپورٹنگ آن لائن) صدر مملکت عار ف علوی نے کہاہے کہ کینسر کا خطرہ کم کرنے کیلئے آگاہی پیدا کرنے اور جلد تشخیص کی ضرورت ہے ۔
صدر عارف علوی کو پاکستان میں کینسر ، بالخصوص بریسٹ کینسر ، کے حوالے سے بریفنگ دی گئی جس میں اظہار خیال کرتے ہوئے صدر مملکت نے کہاکہ کینسر کا خطرہ کم کرنے کیلئے آگاہی پیدا کرنے اور جلد تشخیص کی ضرورت ہے ، پاکستان میں کینسر کے کیسز کی تعداد بڑھ رہی ہے ، کینسر کی بروقت تشخیص اور مناسب علاج کی سہولیات درکار ہیں۔
چیئرمین ، کینسر کیئر ہسپتال اینڈ ریسرچ سینٹر ، لاہور ، پروفیسر ڈاکٹر شہریار کی صدر مملکت کو بریفنگ دی گئی ۔ بتایاگیاکہ پاکستان میں ہر سال تقریباً 353،000 لوگ کینسر میں مبتلا ہوتے ہیں ، سہولیات کی عدم دستیابی کی وجہ سے صرف 71،000 مریضوں کو مناسب علاج میسر ہے ، صدر مملکت نے کینسر کے مفت علاج کی سہولیات کی فراہمی پر کینسر کیئر ہسپتال اور ریسرچ سنٹر ، لاہور کی خدمات کو سراہا۔
