اسلام آباد (رپورٹنگ آن لائن)صدر پاکستان ٹینس فیڈریشن اعصام الحق نے کہا ہے کہ کھلاڑیوں سے کیے گئے تمام وعدے پورے کر رہے ہیں۔
صدر پاکستان ٹینس فیڈریشن اعصام الحق نے میڈیا سے گفتگو میں کہاکہ میں باتوں پر نہیں کام کرنے پر یقین رکھتا ہوں، جب کھیلتا تھا تب بھی باتیں کم اور ریکٹ کے ساتھ اپنا آپ دکھاتا تھا۔اعصام الحق نے بتایا کہ ہمیں 7 آئی ٹی ایف جونئیرٹورنامنٹ الاٹ ہوئے ہیں۔اس سے متعلق انہوں نے بتایا کہ اے ٹی پی ٹور چیلنجر پہلی مرتبہ ہمیں ملا ہے، یہ کرکٹ میں آئی سی سی ایونٹ کی طرح ہے۔
صدر پاکستان ٹینس فیڈریشن نے بتایا کہ اسکے علاوہ 12 نئے نیشنل ٹورنامنٹس شامل کیے گئے ہیں اور انعامی رقم بڑھا دی ہے۔اعصام الحق نے کہا کہ جونئیر کھلاڑی بیرون ملک کھیلنے جا رہے ہیں، میرٹ کو ترجیح دے رہے ہیں۔انہوں نے کہا کہ اب یہ نہیں ہو گا کہ جس کے پاس پیسے ہیں صرف وہی باہر کھیلنے جائیں۔
