اسلام آباد( رپورٹنگ آن لائن ) وفاقی وزارت داخلہ نے کورونا ایس او پیز پر عملدر آمد کرانے کے لئے فوج کی خدمات حاصل کرنے سے متعلق نوٹیفکیشن جاری کر دیا ، وفاقی وزیر داخلہ شیخ رشید نے کہا ہے کہ نوٹیفکیشن کے تحت گلگت بلتستان ، آزاد کشمیر ، خیبر پختونخوا، بلوچستان ، پنجاب اور اسلام آباد اپنی ضرورت کے مطابق کویڈ 19 کے ایس او پیز پر عملدر آمد کرانے کے لیئے فوج کی خدمات لیں گے ، سندھ اس میں ابھی شامل نہیں ہے۔
اتوار کو اپنے ایک ویڈیو بیان میں شیخ رشید نے کہا کہ 23اپریل کو وزیر اعظم عمران خان کی قیادت میں این سی سی کی میٹنگ ہوئی جس میں یہ طے پایا گیا کہ کویڈ 19کے ایس او پیز پر عملدر آمد کے لئے فوج کی خدمات لی جائیں ، آج وزارت داخلہ کی طرف سے نوٹیفکیشن جاری کیا گیا ہے جس کے تحت گلگت بلتستان ، آزاد کشمیر ، خیبر پختونخوا، بلوچستان ، پنجاب اور اسلام آباد اپنی ضرورت کے مطابق کورونا ایس او پیز پر عملدر آمد کرانے کے لیے فوج کی خدمات لیں گے ، سندھ اس میں ابھی شامل نہیں ہے ، شیخ رشید نے کہا کہ بھارت میں ساڑھے تین چار لاکھ روز کے کیسز ہو رہے ہیں۔
