کوئٹہ(رپورٹنگ آں لائن)کوئٹہ بڑی تباہی سے بچ گیا،شہر کے مصروف علاقے جوائنٹ روڈ پر نامعلوم افرادجانب سے گرلز اسکول کے قریب دستی بم پھینکا گیا تاہم خوش قسمتی سے دستی بم دھماکے سے پھٹ نہ سکا، جس کے باعث ایک بڑا جانی نقصان ہونے سے بچ گیا۔واقعے کے بعد خوف و ہراس پھیل گیا ۔
پولیس حکام کے مطابق واقعہ جوائنٹ روڈ پر پیش آیا، جہاں حملہ آوروں نے گرلز اسکول کے نزدیک دستی بم پھینک کر موقع سے فرار ہو گئے۔اطلاع ملتے ہی پولیس اور سیکیورٹی فورسز نے فوری طور پر علاقے کو گھیرے میں لے لیا اور ٹریفک معطل کر دی گئی۔بعد ازاں بم ڈسپوزل اسکواڈ کو طلب کیا گیا، جس نے دستی بم کو اپنی تحویل میں لے کر محفوظ طریقے سے ناکارہ بنا دیا۔
