اسلام آباد(رپورٹنگ آن لائن) پاکستان مسلم لیگ (ن) کے رہنما سابق وزیر اعظم شاہد خاقان عباسی نے کہا ہے کہ کسی بھی ملک میں کورونا ویکسین بیچنے کی اجازت نہیں، حکومت نے خود ویکسین نہیں خریدی، نجی شعبوں کو ویکسین منگوانے کی اجازت دے دی، آمر کی پیداوار نیب اور ملک ایک ساتھ نہیں چل سکتے، نیب کے اقدامات ملکی مفاد میں نہیں، براڈ شیٹ سکینڈل کی فائلیں غائب ہو رہی ہیں، کیمرے لگا کر عدالتی کارروائی عوام کو کیوں نہیں دکھاتے ؟ ،پی ڈی ایم قائم ہے اور رہے گی، نیب اپوزیشن کو دبانے کے لئے بنی تھی اور آج بھی وہی کام کر رہی ہے۔
سابق وزیراعظم شاہد خاقان عباسی نے احتساب عدالت کے باہر اسلام آباد میں میڈیا سے گفتگو کرتے ہوئے کہا کہ نیب کے اقدامات ملکی مفاد میں نہیں، نیب کا ادارہ اپوزیشن پر دباو ڈالنے کےلئے ہی بنا۔تین سال سے کیس زیر سماعت ہے۔ جو ہم پہلے دن اے جانتے تھے اج پورا ملک جانتا ہے۔ انہوں نے کہا کہ سیاسی نظام کو دباو میں لایا جارہاہے، تین وزرائے اعظم کے خلاف کیسز کئی سال سے چل رہے ہیں۔
مہنگائی روزبروز بڑھ رہی ہے ،بےروزگار ی میں اضافہ ہوا ہے۔ تین وزیراعظم کے کیس عدالتوں میں لگے ہوئے ہیں، براڈ شیٹ اسکینڈل کی فائلیں غائب ہورہی ہیں۔ اپنے خلاف کوئی کیس اتا ہے تو اس کیس کی فائلیں ہی غائب ہوجاتی ہیں۔ کیمرے لگا کر عدالتی کارروائی عوام کو کیوں نہیں دکھاتے۔ ان کا کہنا تھا کہ خیرات لیکر کورونا سے نمٹا جارہا ہے۔ پاکستان واحد ملک ہے جس نے پولیوکا ایک ٹیکہ نہیں خریدا۔واحد ملک ہے جس نے پرائیویٹ سیکٹر کوویکسین خریدکربیچنے کی اجازت دی۔
شاہد خاقان عباسی نے کہا کورونا کی آج پھیلاو کی شرح گزشتہ ایک سال سے زیادہ ہے۔ این سی او سی ناکام ہوچکا انہیں پتہ نہیں چلا کہ کورونا کا پھیلاو کیسے روکا جائے۔ انہوں نے بتایا کہ این سی او سی کے ایجنڈے میں کوروناویکسین کا ذکر نہیں۔ ماسک نہ پہننے پر حکومت ہمیں گرفتار کرلیں۔
