لاہور(رپورٹنگ آن لائن )وزیر اعلی پنجاب عثمان بزدار کی معاون خصوصی اطلاعات فردوس عاشق اعوان نے کہا ہے کہ کرپشن پر کوئی سمجھوتہ نہیں ہو گا، حزب اختلاف مفاد پرستی کی سیاست چھوڑ کر عوام اور ملکی مفاد کی بات کریں،کرپٹ ٹولہ عوامی ہمدردی کے لیے صفائیاں پیش کر رہا ہے،کرپٹ ٹولے نے ہمیشہ ذاتی مفادات کی سیاست کی۔
سماجی رابطے کی ویب سائٹ ٹوئٹر پر اپنے بیان میں فردوس عاشق اعوان نے کہا ہے کہ وزیر اعظم عمران خان کرپشن کے خاتمے کا مینڈیٹ لے کر آئے ہیں اور اس پر کوئی سمجھوتہ نہیں ہو گا۔ انہوں نے کہا کہ وزیر اعظم عمران خان کا مشن کرپٹ عناصر کا خاتمہ ہے اور حزب اختلاف مفاد پرستی کی سیاست چھوڑ کر عوام اور ملکی مفاد کی بات کریں۔
معاون خصوصی نے کہا کہ راجکماری کے چہرے سے شکست کے آثار چھلک رہے ہیں اور حزب اختلاف کا کرپٹ ٹولہ عوامی ہمدردی کے لیے صفائیاں پیش کر رہا ہے۔ انہوں نے کہا کہ عوام نے اپنے مسائل کے حل کے لیے نمائندوں کو اسمبلیوں میں بھیجا ہے لیکن کرپٹ ٹولے نے ہمیشہ ذاتی مفادات کی سیاست کی۔
