اسلام آ باد (رپورٹنگ آن لائن) پاکستان تحریک انصاف کے رہنما وسابق وفاقی وزیر فواد چوہدری نے کہا ہے کہ کرائم منسٹر کی تقریروں سے ملک ٹرن آراونڈ نہیں ہوگا۔
سماجی رابطے کی ویب سائٹ ٹوئٹر پر اپنے جاری کردہ بیان میں فواد چوہدری نے کہا کہ پاکستان کو ٹرن آراونڈ کرنے کی پہلی شرط یہ ہے کہ ڈاکوں اور چوروں سے ملک بچایا جائے۔ انہوں نے کہا کہ جعلی سیاسی سیٹ آپ جو بیرونی طاقتوں کی ہدایات پر بنا اس کو گھر بھیجا جائے اور نئے انتخابات کرائے جائیں، کرائم منسٹر کی تقریروں سے ملک ٹرن آرا ونڈ نہیں ہوگا۔
پی ٹی آئی رہنما کا کہنا ہے کہ کراچی پولیس سے کہنا چاھتا ہوں لوڈشیڈنگ کیخلاف مظاہرہ کرنے والوں پر تشدد کا راستہ اختیار نہ کریں۔ فواد چوہدری نے کہا کہ احتجاج بالکل جائز ہے یہ آپ کے اپنے لوگ ہیں آپ بھی اسی عذاب سے گزر رہے ہیں۔ انہوں نے مزید کہا کہ زرداری اور مراد شاہ کے حواری اس تکلیف کا اندازہ نہیں کر سکتے لیکن آپ ان میں سے ہیں قانون کیخلاف احکامات نہ مانیں۔
