اسلام آباد(رپورٹنگ آن لائن) معاون خصوصی عثمان ڈار نے قرض سکیم سے فائدہ اٹھا کر آن لائن ویب سائٹ کا کام شروع کرنے والے نوجوان کی کہانی شیئر کر دی،
تفصیلات کے مطابق کامیاب جوان پروگرام کے ذریعے روزگار کی فراہمی کا دائرہ کار ملک بھر میں وسیع ہونے لگا حکومت کی جانب سے نوجوانوں کو ہنرمند بنانے کیلئے مالی اور تکنیکی معاونت کا سلسلہ تیزدیگر صوبوں کی طرح کشمیری نوجوانوں کی بھی روزگار کی فراہمی کیلئے بھرپور حوصلہ افزائی ، نوجوانوں کو ہائی ٹیک اور جدید کورسز میں ٹیکنیکل تربیت کی فراہمی کا مرحلہ جاری ہے ،بے روزگار نوجوان اسکل اسکالرشپ کے ذریعے کیسے ہزاروں روپے ماہانہ کمانے لگے؟
معاون خصوصی عثمان ڈار نے کشمیری نوجوان شکیل احمد کی کہانی ٹویٹر پر شیئر کر دی ، میرپور کا رہائشی شکیل احمد ٹیکنیکل تربیت حاصل کر کے برسر روزگار ہو گیاشکیل احمد نے ویب ڈویلپمنٹ اور گرافک ڈیزائننگ کی تربیت کیلئے حکومتی تعاون حاصل کیاایف ایس سی تعلیم ہونے کے باوجود بے روزگار رہنے کا دکھ تھا، شکیل احمدبغیر کسی فیس یا معاوضے کے نیوٹک سے گرافک ڈیزائننگ کا کورس مکمل کیا، شکیل احمداب آن لائین ویب سائٹس کے ذریعے ماہانہ 60ہزار روپے تک کما رہا ہے ،
سربراہ کامیاب جوان عثمان ڈار نے شکیل احمد کو اسکل اسکالر شپ حاصل کرنے پر مبارکباد دیتے ہوئے کہا کہ خوشی ہے چاروں صوبوں سمیت گلگت بلستان اور کشمیری نوجوان بھی مستفید ہو رہے ہیں، عثمان ڈار نے کہا کہ حکومت تمام نوجوانوں کو آگے بڑھنے کے یکساں مواقع فراہم کر رہی ہے، کامیاب جوان اسکل اسکالرشپ پروگرام بےروزگار نوجوانوں کیلئے امید کی کرن ہے، نوجوانوں سے درخواست ہے کہ اپنے بہتر مستقبل کیلئے حکومتی اقدامات سے فائدہ اٹھائیں۔
