شہباز اکمل جندران۔۔۔
ایکسائز ٹیکسیشن اینڈ نارکوٹکس کنٹرول ڈیپارٹمنٹ پنجاب میں نمبر پلیٹس اور سمارٹ کارڈز کی شارٹیج کا ایشو لمبے سے چل رہا ہے۔ صالحہ سعید نے تعیناتی کے بعد اس ایشو کو حل کرنے کی کوششیں کی ہیں لیکن اب ذرائع سے معلوم ہوا ہے کہ خود ڈی جی آفس خود ہی صوبے میں نمبر پلیٹس، سمارٹ کارڈز میں تاخیر کا باعث بن گیا ہے۔
معلوم ہوا ہے کہ ایکسائز ڈیپارٹمنٹ میں نمبر پلیٹس اور سمارٹ کارڈز کی ترسیل و تقسیم کے لئے سپروائزوں کی ریکروٹمنٹ کی۔
تاہم سپروائزروں کی زیادہ تعداد لاہور جیسے من چاہے سٹیشنز پر اپوائنٹ ہے۔اور سپروائزروں کی اپواینٹنگ اتھارٹی اے ڈی جی ایکسائز ٹیکسیشن اینڈ نارکوٹکس کنٹرول ڈیپارٹمنٹ پنجاب راو شکیل الرحمن بھی اس حوالے سے بے بس بتائے جاتے ہیں۔
محکمے کے کئی ڈائریکٹوریٹس میں سپروائزر تعینات ہی نہ ہیں جس کی وجہ سے ایسے شہروں میں نمبر پلیٹس اور سمارٹ کارڈز کی کمی بحرانی کیفیت جیسی ہے۔
ذرائع کے مطابق ڈائیریکٹر ایکسائز ٹیکسیشن اینڈ نارکوٹکس کنٹرول ڈیپارٹمنٹ گوجرانوالہ فضہ شاہ کی طرف سے باقاعدہ طورپر ڈی جی آفس می پراجیکٹ ڈائیریکٹر کو خط لکھا گیا ہے۔
جس میں کہا گیا ہے کہ نمبر پلیٹس اور سمارٹ کارڈز کی بروقت فراہمی اور ترسیل و تقسیم کے لئے سپروائز مہیا کیا جائے تاکہ سپروائز کی خالی سیٹ کو فل کیا جاسکے۔
معلوم ہوا ہے کہ گوجرانوالہ میں ملک مبشر نامی سپروائز تعینات تھا جو بعدازاں ٹرانسفر کروانے کے بعد ڈی جی آفس میں تعینات ہوچکا ہے۔
