رپورٹنگ آن۔۔
ڈائریکٹر ایکسائز اینڈ ٹیکسیشن لاہور ریجن سی محمد آصف پھٹ پڑے۔ اپنے دفتر میں سائلین سے گفتگو کرتے ہوئے ہوئے انہوں نے محکمے کے ہیڈ کوآرٹر میں تعینات بعض افسروں کو شدید تنقید کا نشانہ بناتے ہوئے انہیں کرپٹ اور راشی قرار دیدیا۔
محمدآصف نے دفتر میں اپنے ملازمین اور متعدد سائلین کے روبرو سسٹم اینالسٹ محمد سلیم کو ببانگ دہل کرپٹ اور بے ایمان قرار دیا ان کا کہنا تھا کہ محمد سلیم اور پروگرامر محمد یونس نے ری ویپمنگ سے بڑی اور موٹی دیہاڑی لگائی ہے۔اور ری ویپمنگ کو درد سر بنا دیا ہے۔
محمد آصف کا کہنا تھا کہ ری ویپمنگ کے بعد انہیں کمپیوٹر میں ریکارڈ دیکھنے کی بھی access نہیں جارہی نہ ہی انہیں پتا چلتا ہے کہ ان کا ماتحت عملہ کیا کرپشن کررہا یے۔
ان کا کہنا تھا کہ ڈی جی ایکسائز محمد علی ایک نان ٹیکنیکل افسر ہیں جو سسٹم اینالسٹ اور پروگرامر کی باتوں میں آ کر ری ویپمنگ کروابیٹھے ہیں جس سے پنجاب بھر میں گاڑی مالکان اور سائلین کو پریشانی کا سامنا ہے۔اور ڈی جی ایکسائز ان کمپیوٹر ماہرین کے خلاف بات سننے کو بھی تیار نہیں ہیں۔
ان لا مزید کہنا تھا کہ بائیومیٹرک سکپ کرکے گاڑیوں کی ملکیت تبدیل کرنے کا سکینڈل بھی ری ویپمنگ کی وجہ سے سامنے آیا ہے۔اور ابھی اور بہت سے سکینڈل سامنے آئینگے۔
اس سلسلے میں گفتگو کے لئے سسٹم اینالسٹ محمد سلیم سے رابطہ کرنے کی کوشش کی گئی تاہم ان سے بات نہ پائی۔
