ڈیل کی تردید، بوگس کیسز میں ریلیف ملنا ہی تھا، بیرسٹرگوہر

اسلام آباد (رپورٹنگ آن لائن)چیئرمین پی ٹی آئی بیرسٹر گوہر نے ڈیل کی تردید کرتے ہوئے کہا کہ بوگس کیسز میں ریلیف ملنا ہی تھا،پارٹی میں کوئی فارورڈ بلاک نہیں، صرف اختلاف رائے ہے۔

میڈیا سے گفتگو کرتے ہوئے چیئرمین پی ٹی آئی بیرسٹر گوہر نے کہا کہ کسی سے کوئی ڈیل نہیں ہوئی، بوگس کیسز سے ریلیف ملنا ہی تھا۔ انہوں نے کہا کہ پارٹی میں کوئی فارورڈ بلاک نہیں، صرف اختلاف رائے ہے، پارٹی ورکر اور لیڈر بانی کی قیادت میں متحد ہیں۔ انہوں نے کہا کہ فواد چوہدری کی واپسی سے متعلق فیصلہ بانی کریں گے۔