اوکاڑہ
( شیر محمد)حکومت پنجاب کی ہدایت پر سموگ پالیسی پر عمل درآمد کے سلسلہ میں سیکرٹری ریجنل ٹرانسپورٹ اتھارٹی اقصیٰ ریاض کی نگرانی میں ٹیموں نے مختلف مقامات پر کاروائیاں کیں، کارروائیوں کے دوران دھواں چھوڑنے والی گاڑیوں، بغیر فٹنس سرٹیفکیٹ اور ماحولیاتی اصولوں کی خلاف ورزی کرنے والی ٹرانسپورٹ کے خلاف جرمانے عائد کیے گئے،
سیکرٹری ڈی آر ٹی اے اقصیٰ ریاض نے کہا کہ سموگ کے خاتمے کے لیے حکومتی اقدامات پر سختی سے عمل کیا جا رہا ہے، غیر معیاری گاڑیوں اور فضائی آلودگی پھیلانے والی ٹرانسپورٹ کو سڑکوں پر نہیں آنے دیا جائے گا، انہوں نے مزید کہا کہ تمام ٹرانسپورٹرز اپنی گاڑیوں کی بروقت فٹنس کروائیں اور ماحولیاتی قوانین کی مکمل پابندی کریں۔
