اوکاڑہ ( شیر محمد)اجلاس میں ضلع بھر میں قیام امن کے لیے باہمی اتحاد کے فروغ پر زور دیا گیا اور اتحاد بین المسلمین کے زریعے فتنہ انگیزی کی سرکوبی کے عزم کا بھی اظہار کیا، ڈپٹی کمشنر احمد عثمان جاوید نے کہا کہ اسلام امن و سلامتی اور رواداری کا پیغام دیتا ہے.
کسی کو بھی ریاست مخالف پرتشدد سرگرمیوں اور اشتعال انگیزی کی ہرگز اجازت نہیں دی جائے گی، ایک سیاسی مذہبی جماعت نے امن کو تباہ کرنے کی کوشش کی، حکومتی مذاکرات کی پیش کش کے باوجود سیاسی مذہبی جماعت نے تشدد کا راستہ اختیار کیا، معاشرے سے شدت پسندی کا خاتمہ کرنا انتہائی ضروری ہے، انہوں نے کہا کہ پاکستان میں مقیم افغانیوں کے لیے حکومت کی پالیسی واضح ہے.
افغانی باشندے پاکستان میں بدامنی اور دہشتگردی کا باعث بن رہے ہیں، وطن عزیز سے افغانیوں کے انخلاء کے لیے حکومتی اداروں کی مدد کی جائے، ایم پی اے چوہدری جاوید علاؤالدین کوئی بھی جماعت مذہب میں سیاست نہ کرے، پر تشدد واقعات میں ملوث جماعت کے سیاسی عزائم عیاں ہو گئے،امن عامہ کے لیے ہر ایک کو اپنا کردار ادا کرنا ہوگا.
علمائے کرام نے کہا کہ ہم سب امن کے خواہاں ہیں ریاست و اداروں کے ساتھ کھڑے ہیں، کسی بھی تشدد پسند تنظیم کے ساتھ نہ کبھی تھے نہ ہوں گے، علمائے کرام نے انتہا پسندی کے خاتمے اور افغانیوں کے انخلاء کے سلسلہ میں اپنے بھرپور تعاون کی یقین دہانی کروائی، اجلاس کے اختتام پر ملک کی سلامتی و استحکام کے لیے خصوصی دعا بھی کی گئی۔
