اوکاڑہ ( شیر محمد)ایڈیشنل ڈپٹی کمشنر ریونیو محمد شعجین وسطرو، ایڈیشنل ڈپٹی کمشنر فنانس اینڈ پلاننگ چوہدری عبدالجبار گجر، ایڈیشنل ڈپٹی کمشنر جنرل علیزہ ریحان، اسسٹنٹ کمشنر اوکاڑہ چوہدری رب نواز، اسسٹنٹ کمشنر ایچ آر نور محمد، ایم ڈی واسا عبدالوحید، ڈپٹی ڈائریکٹر ڈویلپمنٹ مرغوب حسین ڈوگر، ایس ڈی ای او پیرا وسیم جاوید، سسٹم نیٹ ورک ایڈمنسٹریٹر افضال حسین بلوچ سمیت دیگر افسران نے اجلاس میں شرکت کی.
ڈپٹی کمشنر احمد عثمان جاوید نے ستھرا پنجاب مہم، پرائس کنٹرول میکانزم، تجاوزات کے خلاف سخت کاروائیوں، آوارہ کتوں کی تلفی، پارکس کی تزین وآرائش اور صفائی ستھرائی سمیت روڈز سمیت ترقیاتی منصوبوں کی تکمیل اور وزیراعلیٰ پنجاب کے دیگر گڈ گورننس اقدامات پر مکمل عمل درآمد کے لیے محنت سے کام کرنے کی ہدایات جاری کیں.
ڈپٹی کمشنر احمد عثمان جاوید نے کہا کہ وزیراعلیٰ پنجاب کی ہدایت پر گڈ گورننس کے فروغ کے لیے متعدد اقدامات پر عمل درآمد جاری ہے، عوامی سہولت، شفافیت اور خدمتِ خلق کے اصولوں پر مبنی انتظامی اصلاحات سے عوامی معیار زندگی کی بہتری کے لیے افسران مزید محنت کریں.
گراس روٹ سطح پر عوامی خدمت کے لیے متحرک انداز میں کام کریں اور گڈ گورننس اقدامات کے تحت ای سروسز، لینڈ ریکارڈ سنٹرز، سہولت بازار، صاف پنجاب پروگرام اور تعلیم و صحت کے شعبوں سمیت تمام سیکٹرز میں مثالی اقدامات کیے جائیں۔
