لاہور(رپورٹنگ آن لائن) پاکستان مسلم لیگ (ن)کے صدر و قائد حزب اختلاف شہبازشریف نے یوم شہدائے کشمیر پر شہدائے جموں وکشمیر کو زبردست خراج عقیدت پیش کرتے ہوئے کہا ہے کہ انگریز سامراج کی سرپرستی میں ڈوگرہ فوج کے خلاف سری نگر سینٹرل جیل کے باہر جام شہادت نوش کرنے والوں کا نام تاریخ میں سنہری حروف سے درج ہے ،
ان دن کشمیریوں نے ثابت کیا کہ قرآن کریم اوراسلام کی عزت وحرمت انہیں اپنی جان سے پیاری ہے۔ا پنے بیان میں انہوں نے کہا کہ 22 مسلمانوں کا جان قربان کرکے اذان مکمل کرنا واضح پیغام ہے کہ انہیں شکست دی جاسکتی ہے اور نہ جھکایا جاسکتا ہے ،شہدائے کشمیر کی پکار بھارت سے آزادی کی تحریک کی صورت میں مقبوضہ جموں وکشمیر میں آج بھی پوری قوت سے گونج رہی ہے اس لئے بھارت کسی غلط فہمی میں نہ رہے،
مقبوضہ جموں وکشمیر مسلم اکثریت خطہ ہے اور انشااللہ ہمیشہ رہے گا بھارت کے ظلم وجبر اور استبداد میں 5 اگست 2019 سے ایک نئی شدت آئی ہے جوانتہائی قابل مذمت ہے۔1931 میں 22 کشمیری نوجوانوں نے آمرانہ ڈوگر راج کا مقابلہ کیا اور بہادری کی تاریخ لکھی۔ ،تشدد میں شدت کے باوجود 5 اگست کے باوجود ، ہر عمر کا کشمیری اپنے لہو سے مودی کے فاشزم کو چیلنج کررہا ہے،یہی کشمیری مستقبل کی امید ہیں۔
انہوں نے کہا کہ عالمی برادری، اقوام متحدہ اور سلامتی کونسل سے کشمیری سوال پوچھ رہے ہیں کہ انہیں انصاف کب ملے گا جموں وکشمیر کے رہنے والوں کو سلام ہے جنہوں نے آزادی کے لئے ہر ظلم، مصیبت کا عزم وہمت سے مقابلہ کیا اورہرسازش کو ناکام بنایا،جموں وکشمیر کے رہنے والوں کی عظیم قربانیاں ناقابل فراموش ہیں اللہ تعالی شہدائ کے درجات بلند فرمائے اور پسماندگان کو صبرجمیل دے
