واشنگٹن ( رپورٹنگ آن لائن)امریکی صدر ڈونلڈ ٹرمپ اقتدار میں آنے کے بعد صرف نظامِ حکومت میں ہی نہیں بلکہ وائٹ ہاوس کی ڈیکوریشن میں بھی بڑی تبدیلیاں لے آئے۔
امریکی میڈیا کی رپورٹ کے مطابق ڈونلڈ ٹرمپ وائٹ ہاس میں واپسی کے بعد پہلے 8 ہفتے بہت مصروف رہے لیکن مصروفیات کے باوجود بھی انہوں نے صدارتی دفتر کی ڈیکوریشن کو تبدیل کرنے کے لیے وقت نکال لیا۔امریکی صدارتی دفتر میں سنہرے پردے، سنہرے فریمز میں مزین تصاویر، سنہرے مجسمے اور دیگر آرائشی اشیا، تقریبا ہر چیز سنہرے رنگ کی نظر آ رہی ہے۔
یہاں تک کہ صدارتی دفتر میں موجود ٹی وی کا ریموٹ کنٹرول بھی سنہرے رنگ کے کور میں لپٹا ہوا ہے۔ڈونلڈ ٹرمپ نے 20 شخصیات کے پورٹریٹس کو بھی اوول آفس کی دیواروں کی زینت بنایا ہے جن میں سابق امریکی صدور اور سیاستدانوں کی تصاویر شامل ہیں۔نئی گولڈن کلب ورلڈ کپ شیلڈ بھی امریکی صدارتی دفتر میں رکھی گئی ہے۔
