اسلام آباد(رپورٹنگ آن لائن)ڈرگ ریگولیٹری اتھارٹی پاکستان (ڈریپ)نے دوائوں کی قیمت میں اضافے کی تردید کردی۔
ڈریپ کی جانب سے جاری وضاحت میں کہا گیا کہ دواں کی قیمت میں کوئی اضافہ نہیں کیاگیا بلکہ حکومت نے نئی رجسٹر ہونے والی 25 دواں کی قیمت مقررکی ہے۔ڈریپ کے مطابق تمام 25 نئی دوائیں ہیں جو اس سے پہلے پاکستان میں رجسٹر ہی نہیں ہیں، یہ تمام 25 ادویات پہلی بار مارکیٹ میں فروخت کے لیے پیش کی جارہی ہیں۔
ڈریپ کے مطابق پیراسٹامول کے ساتھ کمبی نیشن میں نئی دوا رجسٹرکی گئی ہے اور سادہ پیراسٹامول کی قیمت میں کوئی اضافہ نہیں کیا گیا۔
