رپورٹنگ آن لائن
ڈائریکٹر ایکسائز اینڈ ٹیکسیشن ریجن سی لاہور محمد آصف کی سنگین جعلسازی سامنے آئی ہے۔
اعلی افسروں کے سامنے کارکردگی ثابت کرنے کے لیئے اور نفری بڑھانے کی غرض سے لاہور میں پرائیویٹ شہریوں کو پولیس یونیفارم پہنا کر روڈ چیکنگ پر لگا دیا گیا ہے۔
جو روڈ چیکنگ کے دوران بطور ایکسائز انسپکٹر کام کرتے ہیں اور شہریوں کی گاڑیاں اور گاڑیوں کی دستاویزات ضبط کرتے پائے جاتے ہیں۔
ایسے ہی جعلی اہلکاروں میں عارف نامی نوجوان ہے جو نہ تو ایکسائز اینڈ ٹیکسیشن ڈیپارٹمنٹ کا ملازم یے اور نہ ہی قانونا” روڈ چیکنگ کرسکتا ہے۔
تاہم ڈائیریکٹر محمد آصف کی مبینہ ہدایات پر متعلقہ ایم آر اے اس نوجوان کو اپنے ساتھ روڈ چیکنگ پر لیکر جاتے ہیں جہاں یہ عوام الناس کو انسپکٹر ایکسائز کے طورپر ڈیل کرتا ہے اور سننے میں آیا ہے کہ اکا دکا ڈیفالٹر گاڑی کو چھوڑتے ہوئے دیہاڑی بھی لگا لیتا ہے کیونکہ اسے بطور انسپکٹر کام کرنے کے عوض تنخواہ نہیں دی جاتی۔
عوامی حلقوں نے محکمے کے ڈی جی اور سیکرٹری سے مطالبہ کیا یے کہ وہ اس جعلسازی کا نوٹس لیں اور ذمہ داروں کے خلاف سخت محکمانہ کارروائی کریں۔
