بیجنگ (رپورٹنگ آن لائن) چینی صدر شی جن پھنگ نے 2026 “چین افریقہ افرادی و ثقافتی تبادلے کے سال” کی افتتاحی تقریب کے لیے مبارکباد کا پیغام بھیجا۔جمعرات کے روز اپنے پیغام میں شی جن پھنگ نے کہا کہ چین اور افریقہ کے درمیان سفارتی تعلقات کے قیام کی 70ویں سالگرہ کے موقع پر “چین افریقہ افرادی و ثقافتی تبادلے کے سال” کا انعقاد ایک نئے تاریخی نقطہ آغاز پر چین افریقہ دوستی کو مزید فروغ دینے کا ایک اہم اقدام ہے۔
تہذیبوں کے درمیان تبادلے اور باہمی سیکھنے کا عمل انسانی تہذیب کی ترقی اور عالمی امن و ترقی کے فروغ کے لیے ایک لازوال محرک ہے۔
شی جن پھنگ نے اس امید کا اظہار کیا کہ فریقین”چین افریقہ افرادی و ثقافتی تبادلے کے سال” سے فائدہ اٹھا کر روایتی دوستی کو آگے بڑھاتے ہوئے تہذیبوں کے درمیان باہمی طور پر سیکھنے کو مضبوط بنائیں گے، عوام اور بالخصوص نوجوانوں کے درمیان تبادلوں کو بڑھائیں گے اور جدیدیت کو فروغ دینے کے لیے مل کر کام کریں گے تاکہ گلوبل ساؤتھ کے ممالک کی یکجہتی کے ذریعے عالمی چیلنجز سے نمٹا جائے اور انسانیت کے ہم نصیب معاشرے کی تعمیر کے لئے چین اور افریقہ کی مشترکہ خدمات سرانجام دی جائیں.
