بیجنگ (رپورٹنگ آن لائن) چائنا ویپنز انڈسٹری گروپ کارپوریشن لمیٹڈ نے بتایا کہ اُس کے تیار کردہ “تھیان ما-1000” بغیر پائلٹ ٹرانسپورٹ طیارے نے اسی روز کامیابی کے ساتھ اپنی پہلی پرواز کا تجربہ مکمل کر لیا۔
“تھیان ما-1000” لاجسٹک ٹرانسپورٹ، ہنگامی امداد اور سامان کی فضائی ترسیل جیسی صلاحیتوں کو یکجا کرتا ہے۔ یہ ملک کا پہلا درمیانی بلندی پر پرواز کرنے والا کم لاگت ٹرانسپورٹ پلیٹ فارم ہے، جو بلند پہاڑی اور پیچیدہ جغرافیائی ماحول سے مطابقت، انتہائی مختصر فاصلے پر ٹیک آف اور لینڈنگ، اور کارگو و ایئر ڈراپ موڈ کے درمیان تیز رفتار تبدیلی جیسی خصوصیات رکھتا ہے۔
اس طیارے کی زیادہ سے زیادہ پرواز کی بلندی 8 ہزار میٹر ہے، رن وے پر دوڑنے کے بعد ٹیک آف اور لینڈنگ کا فاصلہ 200 میٹر سے کم ہے، زیادہ سے زیادہ پرواز کی حد 1800 کلومیٹر جبکہ زیادہ سے زیادہ بوجھ اٹھانے کی صلاحیت ایک ٹن تک ہے۔
مزید بتایا گیا کہ “تھیان ما-1000” کے ذریعے ایک ہی پرواز میں بڑی مقدار میں سامان منتقل کیا جا سکتا ہے۔ یہ بغیر پائلٹ طیارہ ایک ہی پرواز یا بڑے پیمانے پر سامان کی ترسیل کی صلاحیت رکھتا ہے اور کئی دنوں کے لیے درکار خوراک، ادویات اور آلات جیسے اہم سامان کی فراہمی ممکن بناتا ہے، جس سے دشوار گزار اور خصوصی علاقوں میں سامان کی ترسیل کے مسائل مؤثر طور پر حل کیے جا سکتے ہیں۔
