اسلام آباد(رپورٹنگ آن لائن) وفاقی وزیر اطلاعات و نشریات شبلی فراز نے کہا ہے کہ پی ڈی ایم کو جلسے کی اجازت دے دی گئی ہے، چیلنج کرتا ہوں اپوزیشن جناح سٹیڈیم کو پورا بھر کر دکھائے جمعرات کو اپنے ویڈیو پیغام میں شبلی فراز نے کہا کہ جلسے کیلئے جناح سٹیڈیم میں جگہ فراہم کی گئی ہے،
احتجاج کسی بھی سیاسی جماعت کا جمہوری حق ہے، سڑکوں یا گزرگاہوں پر جلسے کی اجازت نہیں ہوگی، اپوزیشن لوٹا ہوا پیسہ بچانے کیلئے اکٹھی ہوئی ہے، ہم نے بھی جلسے کیے مگر عوام کو تنگ کرنے کی سیاست نہیں کی، اپوزیشن حکومت پر دباﺅ ڈالنے کی ناکام کوشش کر رہی ہے۔
