کراچی(رپورٹنگ آن لائن)ایڈمنسٹریٹر کراچی اور سندھ حکومت کے ترجمان و مشیر قانون سندھ بیرسٹر مرتضی وہاب نے کہاہے کہ شہریوں کو اچھی تفریح مہیا کرنا چاہتے ہیں۔
منگل کوبیرسٹر مرتضی وہاب نے چڑیا گھر کا دورہ کیا اور اجلاس میں شرکت کی گئی، اجلاس کے دوران چڑیا گھر میں مزید تفریحی سہولتیں بڑھانے کا فیصلہ کیا گیا۔بیرسٹر مرتضی وہاب کی جانب سے کے ایم سی کے متعلقہ تمام ڈائریکٹرز کو بھی طلب کیا گیا تھا، اجلاس میں کے ایم سی کے میٹروپولیٹن کمشنر بھی موجود تھے۔بیرسٹر مرتضی وہاب نے افسران کو ہدایت جاری کرتے ہوئے کہا کہ چڑیا گھر میں دستیاب سہولتوں کو مزید بہتر کیا جائے، شہریوں کو اچھی تفریح مہیا کرنا چاہتے ہیں۔
انہوں نے کہاکہ چڑیا گھر میں صفائی ستھرائی کے انتظامات کو مزید بہتر کیا جائے، کسی بھی وقت چڑیا گھر کا سرپرائز وزٹ کروں گا۔بیرسٹر مرتضی وہاب نے کہا کہ صفائی ستھرائی، جانوروں کے چارے اور انتظامات سے متعلق کسی قسم کی کوتاہی نہ برتی جائے۔
