لاہور(رپورٹنگ آن لائن) وزیر اعلی پنجاب کی معاون خصوصی فردوس عاشق اعوان نے کہا ہے کہ پی ڈی ایم کا جلسہ ٹھس اور بیانیہ پھس ہوچکا ہے، لندن تو کیا پاکستان میں بھی کوئی جائیداد نہیں سے جانی جانے والی جعلی راجکماری لندن ہائی کورٹ کے فیصلے کے بعد بتائے کہ امریکا، برطانیہ، پاکستان اور سعودی عرب میں اربوں روپے کی 76جائیدادیں کس کی ہیں اور اپنے مفرور بھائیوں کی مختارِ خاص ہونے کے ناطے ان جائیدادوں میں اس کا حصہ کتنا ہے؟۔
سماجی رابطے کی ویب سائٹ ٹوئٹر پر اپنے بیان میں فردوس عاشق اعوان نے کہا کہ حکومت کی جانب سے فری ہینڈ اور بغیر کسی رکاوٹ کے پی ڈی ایم کا جھوٹ کی گردان پر مبنی رونا دھونا تو ہوگیا لیکن 11جماعتوں نے ملکر جتنے لوگ اکٹھے کئے اس سے کہیں زیادہ تعداد میں لوگ بزدارحکومت کی جانب سے لگائے گئے سہولت بازاروں میں موجود ہوتے ہیں۔ پی ڈی ایم کا جلسہ ٹھس اور بیانیہ پھس ہوچکا ہے۔
